Бейбіт Жұқаев Ұлыбританияда Астана турнирінің финалисін ұтты

Бейбіт Жұқаев Сурбитон (Ұлыбритания) челленджер турнирінің ширек финалына шықты, деп хабарлайды Zakon.kz.

Қазақстандық теннисші екінші айналымда әлемнің 105-ракеткасы, Astana Open ATP 250 жарысының финалисі, Аустралия өкілі Джеймс Дакворттан айласын асырды.

Бейбіт 1 сағат 29 минутқа созылған матчта 6:4, 7:6 (7:4) есебімен жеңіске жетті. Жұқаев 15 эйс жасап, 4 брейк-пойнттың біреуін пайдаланды.

Бейбіт  жартылай финалға шығу үшін оңтүстікафрикалық Ллойд Харриспен ойнайды.