Юлия Путинцева Бирмингемдегі турнирдің жартылай финалына шықты

Қазақстандық теннисші Юлия Путинцева Бирмингемдегі WTA 250 турнирінің ширек финалындағы матчын өткізді, деп хабарлайды Zakon.kz.

Юлия Путинцева америкалық теннисші Кэролайн Доулхайдпен кездесті.

Қазақстандық теннисші қарсыласын 6:3, 6:7, 6:1 есебімен жеңді.

Путинцева 2 сағаттан аса уақытқа созылған матч кезінде бір эйс жасап, үш рет қос қателікке жол берді, сегіз брейк-пойнттың үшеуін сәтті пайдаланды.

Енді қазақстандық спортшы жартылай финалда италиялық теннисші Элизабетта Коччареттомен кездеседі.