"Мені 3 жыл күтті". Париж Олимпиадасының күміс жүлдегері елге келген соң үйленетінін айтты

Олимпиаданың күміс жүлдегері елген келген соң шаңырақ көтеретінін айтты, сурет - Zakon.kz жаңалық 04.08.2024 13:15

Сурет: olympic.kz

Парижде өтіп жатқан жазғы Олимпиада ойындарының күміс жүлдегері қазақстандық гимнаст Нариман Құрбанов жоспарын айтты, деп хабарлайды Zakon.kz.

Гимнаст Қазақстанға келген соң ең әуелі үйленетінін айтты.

"Қызым мені күтті. Мен оған 3 жылдан бері "Олимпиада ойындары аяқталған соң үйленеміз, шыдамды болыңыз, бәрі жақсы болады" деп айтып келемін. Жоспарым ойымдағыдай орындалды". Нариман Құрбанов

Еске салайық, Нариман Құрбанов Париж Олимпиадасында спорттық гимнастиканың ат снарядындағы жаттығуда күміс жүлдеге қол жеткізді.

Отандасымыз ақтық сында 15.443 ұпай алды. Осылайша, Нариман елімізге спорттық гимнастикадан Олимпиаданың алғашқы медалін сыйлады.

Бұл сында алтын медальді ирландиялық Риз Макленаген иеленді. Оның ұпай көрсеткіші - 15.533.

Ал қола медаль америкалық Штефан Недорочектің еншісінде (15.300).

Оқи отырыңыз