Ептілік жетіспеді: Жадыраевтың бапкері спортшының финалдық ойынындағы өнеріне қатысты пікір білдірді

Сурет: olympic.kz

Грек-рим стиліндегі қазақстандық балуан Демеу Жадыраевтің жаттықтырушысы Юрий Мельниченко 7 тамызда Париждегі Олимпиада ойындарының финалында спортшының өнеріне қатысты пікірін айтты, деп хабарлайды Zakon.kz.

"Ол жақсы күресті, дегенмен ептілік жетіспеді. Бір сәтте қалт кетіп, тепе-теңдікті ұстай алмай қалды. Өте өкінішті. Басынан аяғына дейін күресіп, тырысты, бәрі жақсы, қанша айтқанмен оның қарсыласы әлемдік деңгейде. Соған қарамастан, ол күміс жүлдені қанжығаға байлады. Бұл үлкен жетістік", – деді Юрий Мельниченко.

Посмотреть эту публикацию в Instagram

Публикация от Qazaqstan.tv Ұлттық телеарнасы (@qazaqstantv)

Бұған дейін Демеу Жадыраев грек-рим күресінен Париж Олимпиадасының күміс жүлдегері атанғаны хабарланды. 77 келіге дейінгі салмақта сынға түскен Демеу финалда жапондық Нао Куссакиге есе жіберді.

Араға жиырма жыл салып, грек-рим күресінен Олимпиаданың финалында белдескен Демеу Жадыраев отандық спорт тарихына есімін алтын әріптермен жазды.

Бұған дейін қазақ балуандары Олимпиаданың финалынан үнемі сырт қалатын.

Оқи отырыңыз