Қазақстан сапынан Олимпиадаға қатысқан ең жас атлет жарысты аяқтады

Таеквондодан Қазақстан командасының мүшесі Батырхан Төлеуғали Париж Олимпиадасының ширек финалына шыға алмады, деп хабарлайды Zakon.kz.

Ерлер арасында 80 келіге дейінгі салмақта сынға түскен Батырхан 1/8 айналымда екі дүркін әлем чемпионы, италиялық Симоне Алессиомен кездескен болатын. 

Тартысты жекпе-жекте тәжірибелі италиялық спортшы 2:0 есебімен жеңіске жетті. 

Алғашқы айналымда Батырхан малилік Исмаил Кулибалимен кездесіп, қазақстандық спортшы 2:1 есебімен жеңген еді.

Айта кетейік, Батырхан Төлеуғали - Қазақстан сапынан Олимпиадаға қатысып жатқан ең жас атлет. Бұл - 18 жастағы спортшының тұңғыш Олимпиадасы.