Қазақстандық боксшы мексикалық Сауль Альварестің мәлімдемесіне пікір білдірді

Қазақстандық боксшы мексикалық Сауль Альварестің айтқандарына пікір білдірді , сурет - Zakon.kz жаңалық 16.09.2024 09:53

Сурет: instagram/janibek_alimkhanuly

WBO/IBF бойынша орта салмақтағы әлем чемпионы қазақстандық Жәнібек Әлімханұлы (15-0, 10 КО) екінші орта салмақтағы Біріккен әлем чемпионы мексикалық Сауль Канело Альварестің мәлімдемесіне пікір білдірді, деп хабарлайды Zakon.kz.

sportarena.kz ақпаратынша, мексикалық боксшы 15 қыркүйекте Пуэрто-Рикодан шыққан американдық Эдгар Берлангиді жеңіп, екінші орта салмақта WBC, WBA және WBO әлем чемпионы атағын қорғады.

Канело өзінің жеңісіне келесідей түсініктеме берді:

"Енді хейтерлер не демек? Олар менің шаршы алаңдағы өнерімнен үнемі мін табады. Сонда да, мен әлемдегі ең үздік боксшымын".

Қазақстандық кәсіпқой боксшы, орта салмақ дәрежесінде өнер көрсететін Жәнібек Әлімханұлы жазбаға төмендегідей жауап қатты.

"Канело, тіпті шопандардың да хейтерлеры бар! Адамдардың айтқанына көңіл бөлмеңіз. Тек өз жұмысыңызды істей беріңіз. Чемпиондар әрқашан хейтерлер мен жанкүйерлерге ие болды және болады", — деп жазды боксшы х әлеуметтік желісіндегі парақшасында.

Жәнібек Әлімханұлы қазір мамыр айында өту керек болған Андрей Михайловичке қарсы күреске дайындалып жатыр. Кездесудің өз уақытында өтпеу қалуы, Әлімханұлының денсаулығымен байланысты болды.

Оқи отырыңыз