Бокстан жастар арасындағы Әлем чемпионатында үш отандасымыз алтын медаль иеленді

Бокс, жастар арасындағы ӘЧ-2024, Төрехан Сабырхан, Санжарәлі Бегалиев, Аружан Зейнеоллаева, алтын медаль, сурет - Zakon.kz жаңалық 03.11.2024 09:16

Сурет: ҚР Ұлттық Олимпиада комитеті

Қазақстандық үш спортшы Черногорияның Будва қаласында өткен жастар арасындағы бокстан Әлем чемпионатының алтын медалін иеленді, деп хабарлайды Zakon.kz.

Ұлттық олимпиада комитеті баспасөз қызметінің хабарлауынша, 67 келі салмақ дәрежесі бойынша өнер көрсеткен Төрехан Сабырхан финалда кубалық Дэвид Эспиносаға қарсы жекпе-жек өткізді.

Отандасымыз кубалық боксшыға еш мүмкіндік қалдырмай, айқын басымдықпен жеңіске жетті.

Осылайша ол Қазақстан қоржынына алғашқы алтын медалін әкелді. Одан бөлек, финалға жеті спортшымыз жолдама алған еді. Соның екеуі де жоғары сападағы жүлде иегерлері атанды.

75 келі салмақ дәрежесінде Санжарәлі Бегалиев өзбек боксшысы Жафарбек Шахбазовтан басым түссе, 81 келіде Аружан Зейноллаева тағы бір өзбек спортшысы Рухшон Папариеваны сан соқтырды.

Бүгін, 3 қарашада тағы төрт боксшымыз ақтық сында бағын сынайды.

Оқи отырыңыз