Азия чемпионы ҚР Ауыр атлетика федерациясында лауазымды қызметке тағайындалды

Бірнеше дүркін чемпион Мадина Астамирова Қазақстан Республикасы Ауыр атлетика федерациясының бірінші вице-президенті болып тағайындалды, деп хабарлайды Zakon.kz.

Бұл туралы федерацияның 2025 жылғы 6 ақпандағы мәлімдемесінен белгілі болды. 

Мадина Астамирова - ауыр атлетикадан халықаралық дәрежедегі спорт шебері, Қазақстанның бірнеше дүркін чемпионы, Қазақстан рекордшысы. 

Сондай-ақ, спортшының келесідей жетістіктері бар:

• 2010 жылғы қыздар арасындағы Азия чемпионатының қола жүлдегері,
• 2011 жылғы қыздар арасындағы Азия чемпионы, 
• ҚР Ұлттық құрамасының мүшесі (2009-2013 жж.);
• ҚР Олимпиада құрамасының мүшесі (2012-2014 жж.).

2023 жылдан бастап Федерацияның Бас хатшысы қызметін атқарды.

Бұған дейін Тимофей Скатовтың Үндістандағы турнирдің екінші айналымына өткендігі хабарланған болатын.