Қазақстан көркем гимнастикадан Азия чемпионатында алтын медаль жеңіп алды

Қазақстан құрамасы көркем гимнастикадан Сингапурда өткен Азия чемпионатының жеңімпазы атанды, деп хабарлайды Zakon.kz.

Отандастарымыз топтық жаттығуларда алтын медаль жеңіп алып, көпсайыста жеңіске жетті.

Екінші орынды Оңтүстік Корея құрамасы иеленсе, Өзбекстан үшінші нәтиже көрсетті.

Айта кетейік, бұл бағдарламада ел намысын Айзере Кеңес, Аида Хәкімжанова, Мадина Мырзабай, Айзере Нұрмағанбетова, Кристина Чепульская және Жасмин Жүнісбаева қорғады.