Александр Бублик Гонконг турниріндегі қарсыласын білді

Қазақстандық теннисші Александр Бублик Гонконгте өтетін ATP-250 санатындағы турнирге қатысады, деп хабарлайды Zakon.kz.

Жеребе нәтижесіне сәйкес, қазақстандық спортшы турнирді нидерландтық Ботик ван де Зандсхулп пен іріктеу турнирі жеңімпазы арасындағы матч жеңімпазымен бастайды.

Турнир 5 қаңтарда басталып, Australian Open алдында дайындық ретінде қарастырылады.

Александр Бублик 2025 жылғы маусымда төрт титул жеңіп алды. Ол Қытайдың Ханчжоу, Аустрияның Китцбюэль, сондай-ақ Швейцарияның Гштаад қаласында өткен ATP-250 турнирлерінде жеңіске жетті.

Сонымен қатар Бублик Галле (Германия) қаласында өткен ATP-500 санатындағы жарыстың жеңімпазы атанды.