Жарақатынан кейін алаңға оралған Роналду гол соғып, бірден дубль тіркеді

4 сәуірге қараған түні Сауд Арабиясы чемпионатының 27-турында "Әл-Наср" өз алаңында "Әл-Наджма" клубын қабылдап, 5:2 есебімен ойсырата жеңді. Құрама капитаны Криштиану Роналду өз мансабындағы 966-ншы және 967-нші голын тіркеді, деп хабарлайды Zakon.kz.

Криштиану Роналду 56-минутта пенальтиден гол соқса, 73-минутта ол әріптесінің берген пасын алыс бұрышқа дөп соқты. 

Бұл – Роналдудың жарақатынан кейін өткізген алғашқы ойыны. Португалдық шабуылшы бұған дейін жамбасын ауыртып алған болатын. Ол Испанияда емделді. "Әл-Наср" осы жеңістің нәтижесінде 70-ші ұпайына қол жеткізіп, турнир кестесінің бірінші сатысына нық жайғасты.

"Алаңға оралған қандай жақсы. Тек алға ұмтыламыз", деп жазды Криштиану Роналду желіде.

Бұған дейін Роналду Гиннестің рекордтар кітабына енгенін жазғанбыз.