Көкшетау ПБ бастығының орынбасары 50 мың доллар пара алды деген күдікпен ұсталды

Сурет: Zakon.kz

Көкшетау полицейлері қылмыстық істі жабуға уәде бергені үшін 50 мың доллар алды деген күдікке ілінді, деп хабарлайды Zakon.kz.

Сыбайлас жемқорлыққа қарсы қызмет Көкшетау қаласы полиция басқармасының лауазымды тұлғаларына қатысты басқа органның іс жүргізуінде жатқан қылмыстық істі тоқтатқаны үшін кәсіпкерден 50 мың АҚШ доллары сомасында ақша қаражатын алу фактісі бойынша сотқа дейінгі тергеу жүргізуде. Биыл 8 шілдеде жүргізілген жедел-тергеу іс-шараларының нәтижелері бойынша ҚПК-нің 128-бабы тәртібінде Көкшетау қаласы полиция басқармасы бастығының орынбасары ұсталды. Ал 9 шілдеде Көкшетау қаласының тергеу соты күдіктіге қатысты «күзетпен ұстау» түріндегі бұлтартпау шарасын санкциялады. Сыбайлас жемқорлыққа қарсы қызметтің баспасөз қызметі

Қазіргі уақытта сотқа дейінгі тергеу жүргізілуде.

Тергеу мүддесінде өзге ақпарат жария етуге жатпайды.

Оқи отырыңыз