Қазақстандағы монополистер 140 млрд теңгені заңсыз алған

Активтерді қайтару жөніндегі комиссияның жұмыс тобының отырысында 140 млрд теңгеге заңсыз монополиялық кіріс алу фактілері анықталғаны белгілі болды, деп хабарлайды Zakon.kz.

Шілде айында Жамбыл облысы бойынша Экономикалық тергеу департаменті «Қазфосфат» ЖШС басшылығына қатысты 697 миллион теңге көлеміндегі монополиялық кіріс алу фактісі бойынша (Қылмыстық кодекстің 221-бабы) сотқа дейінгі тергеуді бастады, – деп хабарлады комиссия.

Сараптамалар мен сотқа дейінгі тергеу амалы жүргізіліп жатыр.

11 шілде күні сағат 20:00-де Тараз қаласындағы «Қазфосфат» ЖШС минералды тыңайтқыштар зауытында ауаға түтінді газ тарады. Кейін компания қала тұрғындарына қауіп төніп тұрған жоқ деп мәлімдеді.