Қазақстанда паспорт парағын көбейту ұсынылды
Сурет: Zakon.kz
Шетелге жиі шығатын қазақстандықтарға 48 парақтан тұратын паспорт беру ұсынылады.
Тиісінше, мұндай паспорттың құны арзан емес, 12 АЕК болады. Бұл шамамен 53 мың теңге. Ал кәдімгі төлқұжаттың құны – 8 АЕК.
Жыл сайын паспорт алу үшін шамамен 600 мың ҚР азаматы өтініш білдіреді, оның ішінде визаға арналған беттерді пайдалануға байланысты орташа есеппен 561 адам құжатын ауыстырады екен. ҚР ІІМ
Сонымен қатар, 16 жасқа дейінгі балаларға төлқұжат бергені үшін мемлекеттік баж салығын 8 АЕК-тен 4 АЕК-ке дейін арзандату және паспорттағы беттерді 22 параққа дейін азайту жоспарлануда.
Бұл норма Қазақстандықтардың отбасылық бюджетіне түсетін жүктемені азайту үшін ұсынылады.
Бұдан бөлек, жеке куәлікті бір жылдың ішінде екі рет жоғалтқандарға куәлік алу құнын 1 АЕК-ке дейін ұлғайту ұсынылады.
Куәлікті алғаш алған кезде мемлекеттік баж өзгеріссіз қалады — 0,2 АЕК (583,40 теңге).
Құжатты әзірлеушілер атап өткендей, жеке куәлікті алуға бір жылдың ішінде екі реттен артық өтініш білдірген азаматтардың өсу үрдісі байқалады, бұл құжатқа ұқыпсыз қараудан. Ал бір жеке куәлікті дайындауға мемлекеттен 4533,21 теңге шығын шығады, бұл азаматтардың өздерінен түсетін баждан (0,2 АЕК немесе 583,4 тг) бірнеше есе көп.
Түзетулер 17 қаңтарға дейін қоғамдық талқылау үшін "Ашық НҚА" сайтында жарияланды.
