Жаңалықтар тізбегі
0

ХВҚ Қазақстанға әрі қарай да қолдау көрсетуге дайын — Николя Бланше

Бейнеконференция Сурет: primeminister.kz
ҚР Премьер-министрі Әлихан Смайылов бейнеконференция байланысы режимінде Халықаралық валюта қоры миссиясының өкілдерімен кездесу өткізді, деп хабарлайды Zakon.kz.

Кездесуге ХВҚ-ның Қазақстан бойынша миссиясының басшысы Николя Бланше, оның орынбасары Алехандро Хайденберг, Еуропа департаментінің аға экономисті Грегорио Импавидо, сондай-ақ Швейцария кіші тобының атқарушы директоры Петр Трабински және ҚР-ның бірқатар орталық мемлекеттік органдарының басшылары қатысты, делінген Үкімет басшысы сайтында.

Кездесу басында Әлихан Смайылов Қазақстанның ХВҚ-мен стратегиялық серіктестікті жоғары бағалайтынын атап өтті. Биыл біздің еліміз бен Ұйым арасындағы ынтымақтастыққа 30 жыл толып отыр.

Қазіргі уақытта ҚР Үкіметі Мемлекет басшысы Қасым-Жомарт Тоқаевтың «Жаңа Қазақстан» тұжырымдамасында белгіленген демократиялық және әлеуметтік-экономикалық қайта құруды іске асыру бойынша белсенді түрде жұмыс жүргізіп жатыр.

Олар заң шығарушы билікті нығайтуға, құқық үстемдігіне, экономиканы сапалы жаңғыртуға, бәсекелестікті күшейтуге, жеке меншікті қорғауға, демонополизациялауға, мемлекеттің экономикаға шамадан тыс қатысуын азайтуға бағытталған.

«ХВҚ Қазақстан экономикасы үшін мүмкіндіктерді кеңейтіп отыр, жаңа реформаларды іске асыру аясында ол біз үшін аса маңызды», — деді Әлихан Смайылов.

Премьер-министр Қазақстанның экономиканы декарбонизациялау, көміртекті азайту және фискалдық саясаттың тиімді тетіктерін енгізу бойынша озық халықаралық тәжірибеге мүдделі екенін айтты.

Бейнеконференция

Сурет: primeminister.kz

Өз кезегінде Николя Бланше өткен кезеңде ынтымақтастықтың көптеген бағыттары бойынша нәтижелі жұмыс жүргізілгенін атап өтті. ХВҚ Қазақстанға әрі қарай да қолдау көрсетуге дайын.

Кездесуге қатысушылар ХВҚ миссиясының қорытындыларын, макроэкономикалық саясаттың басым бағыттары мен құрылымдық реформалар бойынша ұсынымдарды, ҚР Үкіметінің көміртек салдарын азайту жөніндегі жоспарларын, сондай-ақ Қазақстан мен ХВҚ-ның өзара іс-қимылының алдағы кезеңдерін талқылады.

«Мүмкіндікті пайдаланып, ХВҚ-ға біздің жұмысымызға үнемі қолдау көрсететіні үшін алғыс айтқым келеді. Арадағы тиімді ынтымақтастық әрі қарай жалғасады деп сенемін», — деп түйіндеді ҚР Премьер-министрі.

Халықаралық Валюта Қоры – 1945 жылғы 27 желтоқсанда валюта-қаржы саласындағы халықаралық ынтымақтастықты дамыту, экономикалық проблемалар бойынша бірлескен жұмыс, дебитор елдерге несие және консультациялар беру, сондай-ақ халықаралық қаржы статистикасын жинау және жариялау мақсатында құрылған БҰҰ-ның мамандандырылған мекемесі.

Қазақстан – 1992 жылдан бастап ХВҚ мүшесі. Осы уақыт ішінде біздің еліміз бен Қор арасында бірқатар өзара тиімді келісімдер жасалды. ХВҚ миссиясы жыл сайын консультация беру үшін Қазақстанға келеді.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: