Украинадағы үндістандық студенттер оқуын Қазақстанда жалғастыратын болды

ҚР Денсаулық сақтау министрі Ажар Ғиният қазақстандық жоғары оқу орындары Украинада оқыған үндістандық студенттеді қабылдауға дайын екенін айтты, деп хабарлайды Zakon.kz.

Бізге Үндістан үкіметі ресми түрде хабарласты. Кеше Үндістанның Сыртқы істер министрі елімізге келіп, Украинада 20 мыңнан астам үндістандық студенттің оқуы тоқтап қалғанын айтып, бізден көмек сұрады. Негізінде біздің медициналық университеттер көмектесуге дайын, медицина саласында оқитын 200-ге жуық студентті қабылдай алады. Бірақ шетелдіктер оқу ақысын өздері төлейді. ҚР Денсаулық сақтау министрі Ажар Ғиният

Денсаулық сақтау министрлігінің басшысы мүмкіндігінше шетелдік студенттерге жатақханадан орын берілетінін қосты.