АШМ 2023 жылдың соңына дейін 5 млн гектар жерді мемлекетке қайтаруды уәде етті

Жер инспекциясы, сурет - Zakon.kz жаңалық 03.09.2022 12:56

Сурет: akorda.kz

Ауылшаруашылығы министрі Ербол Қарашөкеев Үкімет отырысында мемлекетке 2,9 млн гектар пайдаланылмаған жер телімі қайтарылғанын мәлімдеді, деп хабарлайды Zakon.kz.

Бүгінгі таңда мемлекетке 2,9 млн гектар пайдаланылмаған жер қайтарылды және 2023 жылдың соңына дейін тағы 5 млн гектар пайдаланылмайтын және заңнаманы бұза отырып берілген ауыл шаруашылығы жерлерін қайтару бойынша нақты шешімдер қабылданады. Ауылшаруашылығы министрі Ербол Қарашөкеев

Оның айтуынша, осы көлемді жұмысты атқару үшін қосымша 200 штат бөле отырып, жер инспекциясы функциясын нығайту қажет.

Сондай-ақ, АШМ басшысы пайдаланылмай жатқан жерлерді анықтау бойынша мониторинг жүргізу функцияларын дұрыс орындамаған жағдайда аудандар әкімдерінің және жер қатынастарына жетекшілік ететін облыс әкімдері орынбасарларының жауапкершілігін күшейтуді ұсынды.

Оқи отырыңыз