Қайрат Балықбаев ҚР сауда және интеграция вице-министрі болып тағайындалды

Қазақстан Республикасы үкіметінің қаулысымен Қайрат Такирұлы Балықбаев ҚР сауда және интеграция вице-министрі болып тағайындалды, деп хабарлайды Zakon.kz.

Бұл жөнінде ҚР премьер-министрінің баспасөз қызметі мәлімдеді.

Қайрат Балықбаев 1982 жылы Алматы қаласында дүниеге келген.

Білімі:

Әл-Фараби атындағы Қазақ ұлттық университетін, Халықаралық бизнес академиясын, Қ. Сәтбаев атындағы Қазақ ұлттық техникалық университетін бітірген.

Еңбек өтілі:

Еңбек жолын 2003 жылы жеке меншік компанияның менеджері болып бастаған.

• 2006-2009 жылдары "ҚазМұнайГаз" ҰК" АҚ құрылымында әртүрлі лауазымдарды атқарды. Әр жылдары жеке меншік ұйымдарда еңбек етті.
• 2011-2016 жылдары – "ҚазМұнайГаз" ҰК" АҚ департаментінің директоры, басқарушы директоры, ақпараттық технологиялар жөніндегі вице-президенті;   
• 2017-2018 жылдары – ҚР ақпарат және коммуникациялар вице-министрі;
• 2019-2021 жылдары – "KazEnergy" ЗТҚ бас директорының штаттан тыс кеңесшісі;
• 2021 жылдың ақпан айынан бастап қазіргі уақытқа дейін Еуразиялық даму банкі Цифрлық бастамалар дирекциясының басқарушы директоры қызметін атқарды.