Көкшетау тұрғындары қаржы пирамидасына алданып қалды

Фото: Sputniknews.kz Фото: Sputniknews.kz
Қазіргі таңда күдікті қамауға алынды.

Көкшетауда қаржы пирамидасына алданған 45 адам полицияға жүгінді, қылмыстық іс қозғалды, - деп хабарлайды Sputnik Қазақстан ішкі істер департаментінің баспасөз қызметіне сілтеме жасап.

Көкшетау ішкі істер басқармасы ҚР ҚК 217-бабы 2-тармағы (қаржы пирамидасын құру және басқару) бойынша ЖК құрылтайшысы – 31 жастағы көкшетаулық әйелге қатысты сотқа дейінгі тергеу жүргізіп жатыр. Бүгінгі таңда қаланың 45 тұрғыны полицяға шағымданды.

Кәсіпорын желілік маркетинг принципімен бір айдай жұмыс істеген. Құрылтайшы Көкшетау тұрғындарының сеніміне кіріп, оларды пирамидаға тартқан. Ол тұрғындардан 30 мың теңге алып, 30 күн ішінде ақшаны 300 %-ға ұлғайтуға уәде еткен. Егер салымшы өзінің артынан тағы бір клиент кіргізсе, онда ол әр адамнан 30 мың теңге көлемінде "бонус" алуы тиіс болған. Жәбірленушілердің айтуынша, кәсіпорын өзін банкрот деп жариялап, салынған ақша сол күйі қайтарылмапты.

Қазіргі таңда күдікті қамауға алынды. Тергеу тобы құрылып, жәбірленушілер мен куәгерлерден жауап алынуда. Сондай-ақ кәсіпорынның барлық құжаты тексеріліп жатыр.

Осы орайда полиция азаматтарға барынша сақ болуға, күмәнді қаржы компанияларына ақша салмауға кеңес береді.

zkadm
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз