Қостанай облысында тұрғын үй өртеніп кетті
ҚазАқпарат
Өрт кезінде екі адам зардап шеккен.
Бүгін Қостанай ауданының Затобол селосында көпқабатты үйден өрт шықты, деп хабарлайды ҚазАқпарат.
Оқыс оқиға Попович көшесінде болған.
«Өрт 6 пәтерлі тұрғын үйлердің бірінен шықты. Қазіргі мәлімет бойынша №3 пәтер жанып кетті. Оқиға орнына жеке құрамның 19 өрт сөндірушісі мен 5 арнайы техникасы жұмылдырылды. Өрт сағат 08:24-те толықтай сөндірілді», - деді облыстық ТЖД баспасөз хатшысы Меруерт Балғина агенттік тілшісіне.
Ведомствода мәлім етілгендей, өрт кезінде екі адам зардап шеккен. Олар «ыстан улану» диагнозы бойынша жергілікті ауруханада ем алып жатыр. Мамандар өрт сымдардың қысқа тұйықталуынан шыққан деп болжап отыр.
Жаңалықтан zakon.kz сайтында хабардар болыңыз:
Бөлісу
0
Толық оқу
