Өскемен мұғалімдері бір ай бойы ұлттық киіммен жүреді

egemen.kz egemen.kz
Білім ордасының ұстаздары жыл сайын ұлыстың ұлы күні қарсаңында ұлттық киімдерді киіп жүруді игі дәстүрге айналдырған.

Өскемендегі Назарбаев зияткерлік мектебінің кураторлары бір ай бойы ұлттық нақыштағы көйлектерді киіп жүруге шешім қабылдапты. Ел көлемінде осымен үшінші жыл қатарынан атап өтілген Алғыс айту күнін білім ордасының ұстаздары қазақтың ою-өрнегімен көмкерілген көйлектерді киіп, ұлттық әшекейлерді тағып тамаша көңіл-күймен қарсы алды, деп жазады Егемен Қазақстан.

Зияткерлік мектептің кураторы Шолпан Чакиртенова оқушыларға ұлттық нақыштағы киімдердің әсемдігін, көркемдігін ғана емес, киюге қолайлылығын да паш етуді мақсат қылғандықтарын айтады. «Бабадан балаға қалған құнды мұраларымызды өзіміз насихаттамағанда кім насихаттайды? Алла сәтін салса, Наурыз мерекесі қарсаңында оқушы қыздарымыз да әшекейлерін, сыңғырлаған шолпыларын тағып шығады», – дейді ол.

Мектептің баспасөз хатшысы Роза Құмарғажинаның сөзіне сенсек, білім ордасының ұстаздары жыл сайын ұлыстың ұлы күні қарсаңында ұлттық киімдерді киіп жүруді игі дәстүрге айналдырған. Ал біз сөз етіп отырған тамаша акция осы айдың соңына дейін жалғасады. Игі бастамаға шаһардағы басқа да мектептердің ұстаздары үн қосса, қанеки.

zkadm
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз