Димаш Құдайберген "Славян базары" байқауының қазылар алқасының құрамына енді

Димаш Құдайберген Беларусь елінде өтетін "Славян базары" байқауының қазылар алқасының құрамына енді, деп хабарлайды Today.kz.

Бұл туралы Димаштың өзі Instagram желісіндегі парақшасында мәлімдеді.

"Бұл байқаудың менің өмірімде алатын орны ерекше. Қазақстан мен шетелдің халықаралық байқауларында жеңіске жетіп, түрлі концертінде, тв жобасында өнер көрсеткен соң "Славян базары" байқауынан жеңіске жеткеннен кейін дәл осы Беларусь елінде өзімді белгілі әртіс ретінде сезіндім. Мен бұл байқауды және бір кездері үлкен эстрадаға шығып өз елімнің мәдениетін таныстыруыма мүмкіндік берген осындау таңғажайып елді қатты жақсы көремін. Осы жылы "Славян базарында" қонақ ретінде өнер көрсетемін және қазылар алқасының мүшесі боламын. Кездескенше, Беларусь! Шілдеде көрісеміз", – деді Димаш.

Димаш барлық жанкүйерін өзімен бірге Беларусь еліне шақырды.

Осы жылы аталған байқау 12 шілдеде ашылады.

Естеріңізге салайық, Димаш Құдайберген "Славян базары – 2015" байқауынан бас жүлдені жеңіп алған соң, халыққа кеңінен танылған еді. 2017 жылы Қытайда өткен I am a singer жобасы арқылы ТМД елдеріне танылған Димаш "Славян базары" сахнасында қонақ ретінде өнер көрсетіп, жергілікті халықтың зор қошеметіне бөленді.

Оқи отырыңыз

"Адам іздеп жүрмін!". Астанада Әкім Ысқақтың шығармашылық кеші өтті

22:28, 24 сәуір 2024

Сүйінші! "Міржақып. Оян қазақ" фильмі екі номинация бойынша үздік деп танылды

13:16, 20 сәуір 2024

Қазақтың күй атасы Әбдімомын Желдібаев дүниеден озды

22:38, 12 сәуір 2024