Димаш Құдайберген «Top Influential Idol» рейтингінде атақты «EXO»-ны артта қалдырды

Димаш Құдайберген Қытай интернет-компаниялардың ең беделдісі - NetEase компаниясының «Ең ықпалды сері» (Top Influential Idol) рейтингінің кезекті кезеңінде жеңімпаз атанды, деп хабарлайды ҚазАқпарат.

«Барлық шерулерде мен үшін дауыс беріп, үнемі мені қолдап, мəртебемді биіктетіп жүретін туған елімдегі жəне əлемнің түкпір-түкпіріндегі жанкүйер тыңдармандарыма мың алғыс! Екі күнде 70 миллионға жуық дауыс жинаған жетістік сіздердікі Dears! Жеңімпаз мен емес, сіздерсіздер! Рахмет, dears!», - деп жазды әнші Instagram-дағы парақшасында.

Айта кетейік, бұл Димаштың «Top Influential Idol» рейтингісінде алғаш рет бой көрсетуі. Рейтинг әр апта сайын жаңаланып, рейтингке енген әр жұлдыздың жанкүйерлері 7 күн бойы дауыс беріп әр жаңа аптаның басында жеңімпазды анықтайды. Жыл соңында ең көп апталық жеңімпаз иегері, жылдың «Ең ықпалды серісі» атанады.

Димаш қазіргі уақытта 62-кезекті «Top Influential Idol» рейтингінде 1,09 млн дауыс жинап, үшінші орынға жайғасты.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021