Аман Төлеев Кемеров облысының парламент төрағасы болып сайланды

Baq.kz Baq.kz
Аман Төлеевтің кандидатурасына дауыс берген 39 депутаттың 38-і қолдап, 1-еуі ғана қарсы дауыс берді.

Кемеров облысының халық депутаттары кеңесі сейсенбі күні кезектен тыс сессияда облыстың бұрынғы губернаторы Аман Төлеевті Кузбасс парламентінің төрағасы лауазымына бірауыздан сайлады, деп хабарлайды Baq.kz.

2016 жылдың қазан айында аймақтық кеңесті басқарған Алексей Синицын өкілеттігін уақытынан бұрын доғару туралы өтініш жазып, депутаттардың Төлеевке дауыс беруіне мүмкіндік жасады. Депутаттар Синицыннің бұл өтінішін қолдап, оның орнына Төлеевті сайлады. Аман Төлеевтің кандидатурасына дауыс берген 39 депутаттың 38-і қолдап, 1-еуі ғана қарсы дауыс берді.

Төлеев «Зимняя вишня» сауда үйінде болған өртке қатысты ары таза екенін, себебі қолдан келгеннің бәрін істегенін айтты.

«Адам қайғыда сыналады, сіздер мені тастап кеткен жоқсыздар. Мен сіздердің тараптарыңыздан қолдау көрдім. Сол үшін сіздерге рахмет! Сайлаудан кейін тіпті Кузбасстың қай жерде орналасқанын білмейтін адамдар тарапынан да әртүрлі жағымсыз әңгімелер айтылады», - деді Төлеев парламентте.

Ол 1990 жылды есіне алғанын, себебі сол жылы ол Кемеров теміржолының бастығы болғанын, 250 депутат оны дәл осылай облыстық халық депутаттары кеңесінің төрағасы етіп сайлағанын айтты.

zkadm
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз