Түрікменстан президентінің ұлы мәжіліс депутаты болып сайланды

Түрікменстан президентінің ұлы Сердар Бердімұхамедов мемлекеттегі Парламент мәжілісі депутаты болып сайланды, деп хабарлайды Baq.kz.

Президенттің ұлы "Душак" 25-ші сайлау округінің дауыс беру нәтижесі бойынша парламент депутаты болды. Дауыс беру 25 наурыз күні өтті. Аталған округте сайлаушылар саны - 30 316 адам. Бердімұхамедовпен бірге депутат мандатын №10 орта мектеп директорының оқу-тәрбие ісі жөніндегі орынбасары Кака Огулджерен Гурдова алуға ниеттенді.

Сердар Бердімұхамедовке 25 700 адам дауыс берді. Бұл жалпы дауыс берушілердің 91,42%-ы. Ал Огулджерен Гурдоваға 2 412 сайлаушы дауыс берді.

Естеріңізге сала кетсек, Түрікменстан президенті Гурбунгулы Бердімұхамедовтың билікті ұлы Сердар Бердімұхамедовке тапсыруы мүмкін екені туралы хабарлаған едік.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021