Бөрлі ауданының бас балуаны анықталды

Газета "Бөрлі жаршысы-Бурлинские вести"

Кім мықтыны анықтаған сайысқа өңірдің сайдың тасындай тізілген 17 балуаны қатысты.

Қазақстан Республикасының Президенті Н. Назарбаевтың жүлдесі үшін «Қазақстан барысы» қазақ күресінің аудандық іріктеу турнирі өтті, деп хабарлайды zakon.kz.

Қазақ спортын, оның ішінде ұлттық күресті насихаттауға бағытталған бірегей жоба елдің көңілінен шығып, сүйікті жарысына айналды. Кім мықтыны анықтаған сайысқа өңірдің сайдың тасындай тізілген 17 балуаны қатысты.

«Күш атасын танымас» деген балуандар өзара мықтыны анықтап, айласы мен әдісі, бабы мен бағы келіскен қатысушылар финалда белдесті. 90 келі салмақ дәрежесіне дейінгі балуандар «Өгіз балуаны» атағын иемдену үшін белдесіп, нәтижесінде бірінші орынды Азамат Ташимов, екінші орынды Төлеген Жұмағазиев, ал үшінші орынды Бекзат Дәулетов еншіледі.

Делебені қоздырып, көңіл көрігін қыздырған белдесулер «Түйе балуан» атағы үшін күрескен балуандардың арасында өтті. Нәтижесінде бірінші орынды және облыстық жарысқа жолдаманы Темірлан Көлбай жеңіп алса, екінші орын Серік Қалимоллаға бұйырды. Ал бұл үштікті Наурызбек Сабырғалиев қорытындылады.

Айым Нұрғалиева

Оқи отырыңыз