Қазақфильм түсірген туынды "Орталық Азияның үздік фильмі" атанды

"Қазақфильм" киностудиясы түсірген «Оралман» көркем фильмі Бішкекте өткен «Ақ Ілбіріс» ұлттық киножүлдесінің екі марапатына қол жеткізді, деп хабарлайды Zakon.kz "Қазақфильмнің" баспасөз қызметіне сілтеме жасап.

Фильм «Орталық Азияның үздік фильмі» жүлдесімен, ал картинада басты рөлді сомдаған актер Дулыға Ақмолда «Орталық Азияның үздік актері» жүлдесімен марапатталды.

ҚР Мәдениет және спорт министрлігінің тапсырысы бойынша Ш.Айманов атындағы «Қазақфильм» киностудиясы түсірген аталмыш фильм туған жерінен кетуге мәжбүр болған, алайда ондаған жылдар өткен соң Ауғанстаннан еліне қайта оралған қандастарымыз жайлы баяндайды.

Мамыр айының соңында «Оралман» фильмі Австрияда өтетін халықаралық кинофестивальде көрсетілетін болады.

Айта кетсек, қырғыздың режиссері Ақтан Арыс Құбат түсірген «Кентавр» фильмі «Ақ Ілбіріс -2018» ұлттың жүлдесінің бас жүлдесін жеңіп алды.

Оқи отырыңыз

Әлемдік жұлдыз Зендея жаңа фильмнің түсірілімінен қанша табыс тапты

09:27, 26 сәуір 2024

"Адам іздеп жүрмін!". Астанада Әкім Ысқақтың шығармашылық кеші өтті

22:28, 24 сәуір 2024

Сүйінші! "Міржақып. Оян қазақ" фильмі екі номинация бойынша үздік деп танылды

13:16, 20 сәуір 2024