Балаларға Қазақстан тарихы комикстер арқылы түсіндірілмек

Мемлекеттік тілді дамыту қорының директоры Азат Шәуеев балаларға арналған жаңа онлайн жобалар туралы айтып берді, деп хабарлайды ҚазАқпарат тілшісі.

«Қазіргі уақытта балалар үшін жаңа жобаларды даярлап жатырмыз. Осы орайда биылғы жылдың соңына дейін Қазақстан Республикасы Тұңғыш Президенті - Елбасы Қоры қолдауымен қазіргі кезде дайындық кезеңінде тұрған тың жобаларды іске қосатын боламыз. Бұл тұрғыда Қазақстанда алғаш рет елдің тарихын комикс арқылы суреттейтін жобаны әзірлеп жатырмыз», - деді Шәуеев.

Оның атап өтуінше, бұл жоба арқылы жеткіншектер елдің тарихын комикстер арқылы тануға мүмкіндік алады.

«Бір айдан кейін осы бағыттағы әзірлеменің бірінші сериясын таныстыруды жоспарлап отырмыз. Өздеріңіз білесіздер, осы тектес (комикстер арқылы тарихты баяндау) тәсілдер шетелдерде жиі кездеседі. Бізде осындай тәжірибе бұған дейін болмаған еді, енді оны да іске асырмақпыз», - деп түйді ол.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021