Семейде мумияға айналған ер адамның мәйіті табылды

29 Мамыр 2018, 15:06
Сурет: altaynews.kz

72 кв аумағында өліп жатқан белгісіз азаматтың денесі табылды деген ақпараттар барлық әлеуметтік желілерде таралып жатыр, деп жазады altaynews.kz.

Нақтырақ айтқанда, таңертең ерте Гете көшесіндегі жылу магистралін ауыстыру жұмыстары жүргізіліп жатқан болатын. Алайда, қазба жұмыстары бірден тоқтатылған, себебі экскаватордың қалағы астынан құрылысшылар ер адамның мәйітін байқап қалып, дереу тиісті орындарға хабарласқан.

Оқиға орнына келген мамандар мәйіттің ол жерде ұзақ жатқанын, сол себепті денесі шіріп, мумияға айнала бастағанын анықтаған.

Осы жағдайға байланысты сол маңдағы тұрғындардың айтуынша , қыс түсе салысымен жылу құбырларына тұрғылықты мекенжайлары жоқ адамдар жиналып, жылынады екен. Соған қарағанда марқұм үй-күйі жоқ азамат болуы мүмкін деген болжамдар айтылуда.

Ал Семей қалалық ІІБ Мемлекеттік тіл және ақпарат бөлімінің жетекшісі Елубек Оспановтың мәлімдеуінше, қазіргі таңда сот медициналық сараптамалар тағайындалып, барлық мән-жайды анықтау мақсатында кешенді тергеу амалдары жүргізілуде.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?