Жаңалықтар тізбегі
0

Елбасы Сағынтаевқа коммуналдық қызмет көрсету тарифтерінің өскенін атап өтті

akorda.kz, сурет - Zakon.kz жаңалық 19.07.2018 22:03 akorda.kz
Коммуналдық қызметтердің бағасы өсті. Медициналық қызмет көрсету нашарлады. Білім алу қымбаттап барады - Елбасы.

Қазақстан Президенті Премьер-Министр Бақытжан Сағынтаевты қабылдады, деп хабарлайды Zakon.kz Ақордаға сілтеме жасап.

Кездесуде Үкіметтің 2018 жылғы бірінші жартыжылдықта атқарған жұмыстарының қорытындылары, мемлекеттік және салалық бағдарламалардың іске асырылу барысы талқыланды.

Нұрсұлтан Назарбаев еліміздің әлеуметтік-экономикалық даму көрсеткіштері артып келе жатқанына қарамастан, мемлекет тарапынан қабылданған бағдарламалар тұрғындарды толық қамтымай отырғанын айтты.

– Бірінші жартыжылдық аяқталды. Көрсеткіштер өсіп келеді. Жалпы, халықтың әл-ауқаты жақсы. Біз индустриялық, инфрақұрылымдық және әлеуметтік бағдарламалар қабылдадық. Алайда, жергілікті атқарушы органдар мен министрліктер оларды толық орындамай отыр, бекітілген бағдарламалар өңірлерге жетпей жатыр, – деді Мемлекет басшысы.

Елбасы коммуналдық қызмет көрсету тарифтерінің өскеніне және еліміздегі жоғары оқу орындарындағы оқу ақысының қымбаттағанына тоқталып, медициналық қызмет пен білім сапасының төмендеп бара жатқанын атап өтті.

– Коммуналдық қызметтердің бағасы өсті. Медициналық қызмет көрсету нашарлады. Білім алу қымбаттап барады. Жастар біздің университеттердегі білім сапасының төмендігіне байланысты Ресейдің жоғары оқу орындарын таңдайтын болды. Біздің қоғамда осындай проблемалар жиі көтерілуде, – деді Мемлекет басшысы.

Қазақстан Президенті ел экономикасындағы шағын және орта бизнестің рөлін арттыру, сондай-ақ кәсіби мемлекеттік аппарат қалыптастыру мәселелеріне тоқталды.

Нұрсұлтан Назарбаев «Бес әлеуметтік бастаманы» және инфрақұрылымдық даму бағдарламасын сапалы жүзеге асырудың маңыздылығын атап өтті. Сонымен қатар, Мемлекет басшысы өңірлерде жол салу мәселесіне де назар аударды.

Соңында Қазақстан Президенті Үкімет пен жергілікті атқарушы органдар тарапынан қабылданған мемлекеттік және салалық бағдарламалардың сапалы орындалуын қамтамасыз етуді және олардың жүзеге асырылуына мұқият бақылау жасауды тапсырды.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: