«Канелоның» промоутері Головкинмен үшінші айқас өткізуге сөз берді

Golden Boy промоутерлік компаниясының басшысы Оскар де ла Хойя Инстаграмда мексикалық Сауль Альваресті Геннадий Головкинді жеңгенімен құттықтады, деп хабарлайды ҚазАқпарат.

Сондай-ақ, ол болашақта жанкүйерлердің жекпе-жектің үшінші бөлігін тамашалай алатындарын атап өтті.

«Канело», құттықтаймын! Мексикалық чемпион. Головкин, сен тамаша боксшысың, керемет чемпионсың. Жалғасын көреміз бе? Иә, әрине көреміз. Бірақ, ең алдымен - «Канело» чемпион. Бәрін басынан бастаймыз», - деді Де ла Хойя.

Еске салайық, Головкин - «Канело» рематчы 16 қыркүйек күні Америка Құрама Штаттарының Лас Вегас қаласында өткен болатын. Нәтижесінде отандасымыз төрешілер шешімімен (113-115, 114-114, 113-115) жеңіліп, WBA Super, WBC және IBO тұжырымдары бойынша орта салмақтағы чемпиондық белдіктерінен айырылды. Олардың бірінші айқасы былтыр тең нәтижемен аяқталған еді.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021