Жаңалықтар тізбегі
0

Ақмола облысында бір ауыл карантинге жабылды

Ашық дереккөздерден алынды, сурет - Zakon.kz жаңалық 19.08.2019 15:30 Ашық дереккөздерден алынды
Ольгника ауылының 5 тұрғыны ауруханаға жатқызылған.

Ақмола облысының Аршалы ауданына қарасты Ольгинка ауылында "сібір жарасына" қатысты карантин жарияланды, деп хабарлайды ҚазАқпарат.

ҚР Ауыл шаруашылығы министрлігінің хабарлауынша, 16 тамызда осы ауылдан алынған сынамалардың нәтижесінде алдын ала "сібір жарасы" диагнозы қойылып, 17 тамыздан бастап ауылда карантин жарияланды. Дегенмен, зерттеулер әлі де жалғасуда. Толық нәтиже 19-20 тамызда белгілі болуы тиіс.

Ақмола облысының Денсаулық сақтау басқармасының ақпараты бойынша, Ольгника ауылының 5 тұрғыны ауруханаға жатқызылған. Қазір сынамаларға зерттеу жүргізіліп жатыр. Науқастардың жағдайы тұрақты.

"16 тамызда Аршалы ауданының бас мемлекеттік ветеринариялық инспекторы Ольгинка ауылының әкіміне карантин енгізу туралы ұсыныс жолдады. Сенбі күні Ақмола облысы Аршалы ауданының аумағында сібір жарасы ауруларының ошақтарын жою бойынша штаб отырысы өтті. Құрамында 14 адам кіретін штаб ветеринарлық және санитарлық-эпидемиологиялық қызметтің, денсаулық сақтау басқармасының, жергілікті полиция қызметінің іс-қимыл жоспары қабылданды. Ольгинка ауылындағы малдар арасында "сібір жарасы" жоқ. Күн сайын жануарларды комиссиялық тексеру жүргізіледі", - делінген ҚР Ауыл шаруашылығы министрлігінің сайтына жарияланған ақпаратта.

Министрліктің мәліметіне қарағанда, Ольгинка ауылының барлық малы сәуір айында сібір жарасына қарсы егілген.

"Ветеринариялық қағидаларды бекіту туралы" ҚР АШМ 2015 жылғы 29 маусымдағы №7-1/587 бұйрығымен бекітілген ветеринариялық-санитариялық қағидалардың 1 параграфының 145-22 тармағына сәйкес, Сібір жарасы бойынша карантин инфекция жойылғаннан және қорытынды дезинфекция жүргізілгеннен кейін 15 күнтізбелік күн өткеннен кейін алынады. Шамамен қыркүйектің бірінші онкүндігінде карантин алынып, мал мен өнімді тасымалдауға рұқсат етіледі.

Еске сала кетсек, Ольгинка ауылында1998 жылы аталмыш індет шыққан, ауылдан 15 шақырым жерде стационарлық мал қорым бар. Ол қоршалған, арнайы ескерту белгілері қойылған.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: