Алматы-1 станциясы бастығы Құлжабаева пара үшін сотталды

"ҚТЖ Жүк тасымалы" АҚ "Алматы-1" станциясының бастығы пара алды деп айыпталды, деп хабарлайды Zakon.kz ҚР Сыбайлас жемқорлыққа қарсы іс-қимыл қызметінің баспасөз қызметіне сілтеме жасап.

Алматы қаласы бойынша сыбайлас жемқорлыққа қарсы қызмет жүргізген тергеу "ҚТЖ Жүк тасымалы" АҚ-ның "Алматы-1" станциясының бастығы Т.С.Құлжабаеваның делдалдар арқылы коммерциялық кәсіпорындар өкілдерінен кедергісіз тексеру және бос контейнерлерді меншік иесі ҚХР еліне қайтарғаны үшін жүйелі түрде пара алып келгенін анықтады.

2019 жылғы 4 қыркүйекте Алматы қаласының №2 Медеу аудандық соты бірнеше рет пара алғаны үшін Құлжабаеваны мемлекеттік лауазым атқару құқығынан өмір бойына айырып, 17 832 500 теңге айыппұл салды.