Жаңалықтар
Басқа бұқаралық ақпарат құралдарында
Загрузка...
Читайте также

Сұмдық-ай! Германияда жануарларға сынақ жасаған зертхана табылды

Бұл фармакология және токсикология зертханасы LPT GmbH & Co. компаниясына тиесілі. Бұл Гамбургтың Миненбюттел ауданында орналасқан зертхана болса керек. Қазір ол уақытша жабық.

Сурет : Cruelty Free International16 Қазан 2019, 15:31

Германияның құқық қорғау органдарының қызметкерлері Гамбург қаласы маңынан жануарларға заңсыз эксперимент жүргізген фармакологиялық зертхананы тапты. Ондағы сұмдыққа куә болған мамандар жануарлардың көзіне тікке қарай алмаған. Маймылдар мойнына қамыт кигізіліп, темір құрсауда ілініп тұрған. Бұл олардың мұрнына белгілі бір дәрі-дәрмекті сынау үшін керек болыпты, деп хабарлайды Daily Mail. Сонымен қатар, зертхана торынан өз қанына малшынған Бигль тұқымдас ит табылды.

Неміс инспекторлары зерттеу орталығы деп аталатын ғимаратты тінтіп шықты. Олар мұндағы азаптау камерасында не болғанын бәрін видеоға түсірді. Қабырғаға жақын тұрған темір қоршауда маймылдар мойын қамытпен ілінулі тұрған. БАҚ мәліметтері бойынша, бұл фармакология және токсикология зертханасы LPT GmbH & Co. компаниясына тиесілі. Бұл Гамбургтың Миненбюттел ауданында орналасқан зертхана болса керек. Қазір ол уақытша жабық.

Қоғам белсендісі Фридрих Муллен өзге атпен LPT GmbH & Co зерттеу орталығына 2018 жылдың желтоқсан айында жұмысқа орналасқан. Ол онда 2019 жылдың наурызына дейін жұмыс істеді. Ол әлемдегі бүкіл компаниялар үшін мұнда жануарларға эксперимент жүргізілгенін, оның ішінде аюлар, маймылдар, мысықтар мен қояндар да болғанын айтты. Оның айтуынша, жануарлар мұнда өте нашар күйде ұсталған. Тордан табылған қан-қан итке дәрі-дәрмекті жұту оңай болу үшін аузына түтікше тыққан. Ал түтікше оның өңешін қанатып, ит қан құсқан.

Ал өз дегеніне оңайшылықпен көнгісі келмеген жануарларды зертхана қызметкерлері аямай ұрып-соққан.

Ол қатты зардап шеккен макакалар (маймыл) болғанын айтады. Үнемі тар торда ұстағандықтан, олардың жүйкесі жұқарып, сыр берген. Көбісі тор ішінде жынданып қалған секілді шыр көбелек айналып жүре берген.

Мысықтар күніне 13 ине салған. Ине салған сайын жануарлар қатты ауырсынып, біртүрлі дыбыстар шығарған. Тәртіп сақшылары алдымен зертхананы тінтіп, тексерді, ал қазір тергеу жүрігізіп жатыр.

"Жануарлар өлетінін білетін, жаны шығып бара жатқанда құйрықтарын қатты қозғалтады. Ал иттер болса, адамнан көмек сұрап, мөлиіп көзіне ұзақ қарайтын", - деді Фридрих Маллен.

Осы масқара жайт әшкере болғаннан кейін Гамбург билігі компанияға рейд жүргізіп, жануарларды қорғау ұйымы белсенділерінің осыған дейінгі кейбір айыптауларын растады.

"Біз белсенділер айтқандай, жануарларға арналған тордың тым тар екенін байқадық", - дейді жергілікті билік өкілі.

Laves жергілікті қдағалаушы органы - Тұтынушылардың құқықтарын қорғау және азық-түлік қауіпсіздігі жөніндегі мемлекеттік басқарма прокуратураға жануарларды қорғау туралы заңдардың бұзылуына байланысты шағым түсірді. Сонымен қатар қадағалаушы орган компанияның дәрі-дәрмектерді жануарларға сынау лицензиясының күшін жою туралы мәселені де қарастыруда.

Басқармадағылар егер лицензияның күші жойылса, онда зертхананы дереу жабу керек деп атап өтті.

LPT - бұл үкімет пен қадағалаушы органдардың талапбын қанағаттандыруда әлемнің барлық фармацевтикалық, өнеркәсіптік және агрохимиялық компаниялары үшін уды анықтауда сынақтар жүргізетін зертхана.


Telegram арнасындағы маңызды жаңалықтар «zakon.kz». Жазылу!

қате туралы хабарлау
Қате туралы хабарлау
Қате мәтін:
Түсініктеме:
Қазір оқулыда
Басқа жаңалықтар
Загрузка...
Жаңалықтар мұрағаты
ДүСейСәрБеЖұСенЖе
Соңғы пікірлер
Соңғы пікірлер