Қобыздың зарымен күңіренген Димаштың орындауындағы қазақ әні жұртты тәнті етті

YouToobe-ке жүктелген Димаштың орындауындағы "Самалтау" әнін бір тәулік ішінде 20 мыңға жуық адам қарап, оған өздерінің ілтипаттарын жаппай білдіріп жатыр, деп хабарлайды Zakon.kz.

Әсіресе, қазақ тіліндегі ән мазмұнын түсінбеген шетелдік жанкүйерлер оның аудармасын сұрап, ұлттық аспап - қобызға таң қалып есі шығуда.

Ал әншіні "Димаш коды" деп аталатын құбылыс санап, өзін "Құдайдың күлкісіне" балайтын украиналық жанкүйер Евгения Баргесян қазақ тілінің ерекше қасиетін ұғына бастағалы өзінен маза кеткенін айтады.

"Қазақша сөздері керемет. Аудармасы нашар екенін іштей жақсы сеземін, өйткені қазақ тілі жан-жақты, көп қатпарлы, оны бір сөзбен аудару кейде жеткіліксіз" - деді Евгения Shark Radioсына берген сұқбатында.