"Танымай қалдық". Ерекше образдағы Димаш жанкүйерлерін тағы да тәнті етті

Димаш Құдайберген түсірілім алаңындағы жаңа бір кадрмен бөлісіп, жанкүйерлерін елеңдетіп қойды. Оның сахналық образы түбегейлі өзгеріске ұшырағаны сонша кейбіреулер әншіні танымай қалып жатыр, деп хабарлайды Zakon.kz.

Бұрын Димаш концерттерде және бейнебаяндарда әрдайым романтикалық образда көрінсе, ал 16 шілдеде Instagram-дағы парақшасында жарияланған видеода Димаш темір-сауыттағы ежелгі жауынгердің кейпіне еніпті. Оған қоса ол ежелгі қару - қылышты шебер басқара алатынын да байқатып қалды. 

"Түсірілім алаңынан сәлем", - деп жазды Димаш өзі желіге жүктеген видео астына.

Публикация от Dimash Qudaibergen (@kudaibergenov.dimash)

Бұл жазба 30 минут ішінде 8 мыңнан астам лайық пен 700-ден астам пікірлерге ие болды.

• Мә, алғаш көргенде Димашты танымай қалдым, шын айтамын!
• Біздің жауынгеріміз.
• Мына видеоны қарап отырып, тілден айырылдық қой. Бізді таң қалдырудан жалықпайды, Димаш.
• Сенің патшалығына бару үшін қай жерге жазылуымыз керек?
• Шебер деймін, қылыш қалай-қалай кетті)
• Үлкен дүние дайындалып жатқан секілді ғой, асыға күтеміз...

Бұған дейін Димаштың әнін орындаған бүлдіршін желінің жұлдызына айналғанын жазғанбыз.