Жаңалықтар тізбегі
0

Алматы облысында үй тонаумен айналысқан бір топ студент ұсталды

zlatoust.info, сурет - Zakon.kz жаңалық 11.11.2019 22:54 zlatoust.info
Ұсталғандардың қараша айының басынан бері Іле ауданында бөтеннің мүлкін ұрлауға қатысты қозғалған бес іске қатысы бары анықталды.

Бір топ студент Алматы облысындағы жеке үйлерді тонаған деген күдікке ілінді, деп хабарлайды Zakon.kz облыстық полиция департаментінің баспасөз қызметіне сілтеме жасап.

Ұсталған адамдар Іле ауданының елді мекендеріндегі бес тонау ісі бойынша күдікке ілінген.

11 қарашаға қараған түні Қоянқұс ауылын аралап жүрген екі учаскелік полиция қызметкері қылмыстық полицияның бағдары бойынша іздеуде жүрген мемлекеттік нөмірі жоқ Daewoo Nexia көлігін байқайды. Олар полицияны көрген бойда бой тасаламақ болған.

- Күдіктілерді ұстау үшін тәртіп сақшылары ауаға ескерту ретінде оқ атуға мәжбүр болды. Нәтижесінде Алматы қаласының жоғары оқу орындарында оқитын 18-19 жастағы төрт студент жігіт ұсталды. Көліктің багажында бұрын сол ауылдағы жеке үйлердің бірінен ұрланған түрлі құрылыс құралдары табылды, деп хабарлайды Алматы облысы полиция департаментінің баспасөз қызметі.

Ұсталғандардың қараша айының басынан бері Іле ауданында бөтеннің мүлкін ұрлауға қатысты қозғалған бес іске қатысы бары анықталды. Ауыл тұрғындарына келтірілген материалдық шығын әлі есептелуде.

- Күдіктілердің барлығы Қызылорда және Түркістан облыстарынан келген, Алматыда тұрады. Көлік күдіктілердің біреуіне тиесілі. Қазіргі уақытта қамауға алынған адамдарға қатысты бұлтартпау шарасын таңдау туралы мәселе шешіліп жатыр, - деп толықтырды полициядағылар.

Дәлелденген фактілер бойынша ҚР Қылмыстық Кодексінің 188-бабы, яғни "Ұрлық" бойынша тергеу ісі қолға алынды. Полиция ұсталғандардың басқа қылмыстар мен құқық бұзушылықтарға қатысы бар-жоғын тексеруді жалғастыруда.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: