Ұлттық банк шетел валютасы айырбасына мораторий жариялады деген рас па?

9 Наурыз 2020, 20:41
Сурет: dsnews.ua

ҚР Ұлттық банкі шетелдік валютаның қолма-қол айырбастау операцияларына бүтіндей мораторий жариялады деген қауесетті жоққа шығарды, деп хабарлайды zakon.kz @financekaz телеграм арнасына сілтеме жасап.

Ешқандай да мораторий немесе шетелдік валютаның қолма-қол айырбастау операцияларына тыйым салу туралы мәселе көтерілген жоқ, ол мүмкін де емес, - деді Ұлттық банк.

Мұндай жалған ақпараттарды халықты дүрбелеңге салу үшін еріккендер немесе бүгін биржаның жабық кезін пайдаланып, шетелдік валютаның сатылымына сұранысты алыпсатарлық жолмен тудыруды мақсат етушілер таратады.

Босқа алданып қалмаңыз! Қазақстанда қолма-қол шетел валютасы операциясына бір Ұлттық Банктің бұйрығымен тыйым салу заң жүзінде мүмкін емес! Сонымен қатар, мұндай жалған ақпаратты шығарушылар мәтінді қалай болса солай жаза салады, сондықтан ондағы қаріпке, лауазымның аты-жөніне, құжат атауына мұқият зер салыңыздар. Ұлттық банктің Қаулысы, негізінен, мүлде басқаша толтырылады.

9 наурызда ҚР Ұлттық банкі ел экономикасындағы бүгінгі ахуалға түсінік берді.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?