Тағы газ! Тұншығып, әбден зорыққан Балқаш жұрты желіге суреттер мен видеолар жүктеп жатыр

Экология, геология және табиғи ресурстар министрлігі әлеуметтік желідегі шағымдардан кейін Балқаш мыс қорыту зауытында тексеру жүргізетін болады, деп хабарлайды zakon.kz.

Қала тұрғындары әлеуметтік желілерде қаланың ластанған ауасына шағымданып, оның суреттері мен видеосын белсенді бөлісіп жатыр.

Министрліктің хабарлауынша, бұл жағдайға Балқаш аумағындағы кәсіпорындардың, атап айтқанда, жергілікті мыс балқыту зауытының жұмысы себеп.

"Өз аумағында орналасқан зауыттардың кесірінен тұншыққан қаланың бірі - Балқаш. Балқаш, Алматы, Астана және Ақтөбе - ауасы ең ластанған елді-мекендер рейтингісінен тұрақты бой көрсететін қалалар. Ауаға зиянды бөліністің шығуы таңқаларлық жағдай емес. Тұрғындар өңірдегі барлық қатерлі ісік, сондай-ақ өкпе және тыныс алу жолдары ауруларының барлығының түп-төркіні Балқаш аумағындағы кәсіпорындардың жұмысымен байланысты екенін айтады", - делінген НеХабар Telegram каналында жарияланған хабарламада.

Осыған байланысты, азаматтардың, сондай-ақ Балқаш қаласының әкімінің өтініші негізінде Экология министрлігіне қарасты Қарағанды ​​облысы бойынша экология департаменті Балқаш мыс балқыту зауытына жоспардан тыс тексеру жүргізуді жоспарлап отырғанын хабарлады.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021