Талдықорғанда полиция формасын киген әртіске айыппұл салынбады

18 Қыркүйек 2020, 10:56
Сурет: Алматы облыстық соты

Алматы облыстық соты жарнамалық роликке түсу үшін полицей формасын киген ер адамның іс-әрекетінен ешқандай заң бұзушылық байқалмайтынын айтты, деп хабарлайды zakon.kz.

Талдықорған әкімшілік соты азамат Д-ға қатысты істі қарады, ол дөңгелектерді сату туралы жарнамада полиция формасын заңсыз киген деп айыпталды. Сотта азамат құқық қорғау органдарымен ешқандай байланысы жоқ екенін, видео досының дүкенін жарнамалау үшін түсірілгенін түсіндірді. Ол форманы әскери дүкеннен сатып алған. Сот азамат Д-ның әрекеттерінде әкімшілік құқық бұзушылықтың құрылымы жоқ деген қорытынды шығарды.

- Бұл жағдайда құқық бұзушының киген киімінен тиісті құқық қорғау органына деген қатынасты анықтау мүмкін емес, өйткені полиция қызметкерлерінің толық айырым белгілері, формалары мен керек-жарақтары анықталмаған. Сонымен қатар, заттай айғақты қарау үшін форм ұсынылмаған, құқық бұзушының айтуынша, ол оны лақтырып жіберген, осыған байланысты азамат Д-ның формасының айырым белгілерін сәйкестендіру мүмкін болмады, - деп хабарлады Талдықорған мамандандырылған ауданаралық әкімшілік сотының баспасөз қызметі.

Сондай-ақ, іс құжаттарында бейбіт тұрғындарға форма сатуға тыйым салуға бағытталған профилактикалық жұмыстардың болмауына байланысты мәселе де алға тартылған.

Шешім заңды күшіне енген жоқ.

Бұған дейін Алматы соты әнші Кенталға полиция формасын заңсыз кигені үшін айыппұл салған болатын.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?