Kaspi bank. Әйнекті шағып, кассирден ақша тартып алып кеткендер ұсталды

видеодан алынды

Қарулы шабуыл кезінде ешкім зардап шеккен жоқ.

Алматыдағы Kaspi банкке жасалған қарақшылық шабуыл қылмысының беті ашылды, деп хабарлайды zakon.kz.

- Алматы қалалық полиция басқармасы криминалдық полиция бөлімінің хабарлауынша, осы қылмысты жасады деген күдікпен 1985, 1986 және 1992 жылы туылған үш ер адам ұсталды. Күдікті С мен У-ды Алматыда қалалық криминалдық полицияның жедел уәкілдері ұстады, деп хабарлады полициядағылар.

Осы оқиғаға қатысы бар үшінші адамды Батыс Қазақстан облысының ПД қызметкерлері Оралда ұстады. Заттай дәлелдеме: ұрланған қаражат тәркіленіп, Алмалы аудандық полиция бөлімінде Қазақстан Республикасы Қылмыстық кодексінің 192-бабы, 3-бөлімі бойынша тергеу жүргізген қылмыстық іс материалдарына тіркелген.

Шабуылдаушылар қолданған аңшы мылтығы солардың біріне тиесілі екендігі анықталды.

Ұсталғандар уақытша қамауға алынды.

15 қазанда Алматыда екі қарулы қарақшы Kaspi.kz филиалына шабуыл жасады. Алматы полициясы арнайы тергеу-жедел тобын құрып, олар қылмысты ашуға және күдіктілерді ұстауға бағытталды.

Оқи отырыңыз