Қызылордада адам қағып, оқиға орнынан қашып кеткен жүргізуші ұсталды

3 Қараша 2020, 11:35
Сурет: polisia.kz

Қызыордада тас жолда жаяу жүргіншіні қағып кетіп, оқиға орнынан бой тасалаған көлік жүргізушісі ұсталды, – деп хабарлайды zakon.kz.

Polisia.kz мәліметінше, 30 қазан күні “Шымкент-Самара” тас жолындағы Тартоғай ауылының тұсында жолды кесіп өтпекші болған 48 жастағы ауыл тұрғынын Шымкент қаласына қарай кетіп бара жатқан белгісіз автокөлік қағып, оқиға орнынан қашып кеткен. Жол-көлік оқиғасы салдарынан әйел түрлі дене жарақатымен аудандық ауруханаға жеткізілді. Бұл факт бойынша патрульдік полиция ротасының қызметкерлері жүргiзген жедел-іздестіру іс-шараларының нәтижесінде Бәйгеқұм елді- мекенінің тұсында жүк тасымалдайтын “Газель” автокөлігіне “Мерседес” автокөлігін тиеп кетпекші болған жүргізуші ұсталды. Тексеру барысында жол-көлік оқиғасы орын алған жерден бой тасалаған жүргізушінің Түркістан облысы Қазығұрт ауылының 24 жастағы тұрғыны екені анықталды.

Аталған дерек бойынша Қазақстан Республикасы Қылмыстық кодексінің 345-бабының 1-бөлігімен (Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы) сотқа дейінгі тергеп-тексеру амалдары жүргізілуде.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?