Демалыс күндері Алматы облысы локдаунда болады

12 Қаңтар 2021, 14:09
Сурет: Әсет Құндақбаев; holanews.kz

Алматы облысының кейбір аудандары "қызыл" және "сары" аймақтарда орналасқандықтан, осы аймақтарда шектеу шараларын күшейту туралы шешім қабылданды, деп хабарлайды zakon.kz.

Бұл туралы Алматы облысы әкімдігінің баспасөз қызметі хабарлады.

Облыста сырқаттанушылықтың өсуі 2020 жылдың қазан айынан басталды, инфекцияның тіркелуі 3 айда 7,5 есеге артты: қыркүйек - 74 жағдай, қазан – 184 жағдай, қараша – 591 жағдай; желтоқсан – 1386 жағдай. Қаңтар айының 11 күнінде коронавирустық инфекцияның 597 жағдайы тіркелді.

Бүгінде облыс ауруханаларда 434 адам емделуде, оның 29-ы ауыр халде, 357 адам амбулаториялық емделуде.

Коронавирустық инфекцияның жұқтыру қаупі қоғамдық орындарда (сауда және қоғамдық тамақтандыру объектілері, базарлар) жоғарылап отыр, бұл жерлерде науқастардың 40% және отбасында 25% жұқтырған.
Бұл мереке күндері қала мен оған жақын аудандардың тұрғындары санитарлық дәрігердің талаптарын сақтамай, шектеу шараларын бұзғанын көрсетеді. Мәселен, жаңа жылдық демалыс күндерінен кейін Талдықорған қаласындағы коронавирустық инфекция бойынша эпидемиологиялық жағдай қауіпті болып отыр, бағалау матрицасына сәйкес қала "қызыл аймақта", ал Көксу, Ескелді және Панфилов аудандарында "сары аймақта" қалып отыр, деп хабарлайды әкімдік.

Биылғы жылдың қаңтар айының 11 күні ішінде Талдықорған қаласында 135 адам, Көксу ауданында 62 адам, Ескелді ауданында 41 адам инфекция жұқтырған.

Осыған сәйкес эпидемиологиялық жағдайды бақылауды күшейту мақсатында Талдықорған қаласында, Көксу, Ескелді аудандарында 13 қаңтардан бастап демалыс күндеріне (локдаун) қосымша шектеулер енгізілетін болады. Мейрамханалар мен дәмханалар (алып кету және жеткізу – шектеусіз), ойын-сауық орталықтары, сауда үйлері (азық-түлік базарларын, дәріханаларды, сұлулық салондарын, химиялық тазарту орындарын қоспағанда), жабық базарлардың (азық-түлік және азық-түлік емес), сауналар мен СПА салондардың, спорттық-сауықтыру орталықтары, мұз айдындарының және т. б. жұмысы тоқтатылады.
Эпидемиологиялық жағдайға байланысты осы жылдың 21 қаңтарына дейін аталған аймақтардың мектептерінде онлайн оқыту мерзімі ұзартылды, делінген әкімдік хабарламасында.

2021 жылғы 12 қаңтардағы жағдай бойынша облыста КВИ-дің 7730 жағдайы тіркелген.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?