Нұр-Сұлтанда қосымша карантиндік шаралар қабылдануы мүмкін

12 Қаңтар 2021, 17:22
Сурет: zakon.kz

Қаңтардың бірінші онкүндігі кезеңінде елорда "сары" және "қызыл" аймақтардың шекара сызығына барып жетті. Жаңа жылдық демалыстан кейінгі инкубациялық кезең аяқталатынын ескерсек, коронавируспен ауыратындар саны артып келеді. Демек, денсаулық сақтау стандарттарын барлығы бірдей дұрыс сақтамаған. Бұл туралы қаланың бас санитарлық дәрігері Сархат Бейсенова айтты, деп хабарлайды zakon.kz.

Қала қазір "сары аймақта" екендігіне қарамастан, ауру санының өсімі байқалады. Бұл, бір жағынан, тексеруден өткендер санының 2 есеге жуық өсуіне, екінші жағынан, қала тұрғындарының жаңа жылдық мерекелерде шектеу шараларын сақтамауына байланысты.Сонымен қатар, біз дәрігерге өз бетімен келушілердің үлесі артып келе жатқанын атап өткіміз келеді, бұл халықтың жоғары жауапкершілігін және коронавирустың салдары қаупін дұрыс бағалауды көрсетеді. Өз-өзін емдеумен айналысуға болмайды. Өзіңізді, отбасыңызды және айналаңыздағы адамдарды қауіптен қорғау үшін санитарлық нормаларды қатаң сақтауыңыз керек, бетперде тағу керек, - деді елордалық бас санитарлық дәрігер Сархат Бейсенова.

Сонымен қатар ол коронавирус инфекциясы жағдайларының өсімі осылай ары қарай жалғаса беретін болса, онда қосымша карантиндік шектеу шаралары қолданылатынын атап өтті.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?