Талғар ауданында кісі өлтірген күдікті Шымкентте ұсталды

almaty.tv almaty.tv
Алматы облысының полицейлері адам өлтірді деген күдікке ілінген азаматты Шымкент қаласынан іздеп тапты.

Талғар ауданында орын алған адам өліміне қатысты күдіктілерді анықтауға бағытталған жедел іздестіру шаралары барысында полицейлер 50 жастағы күдіктіні Шымкент қаласынан ұстап, Талғар қаласына жеткізді. Қылмысты ашу үшін кең ауқымды жұмыстар жүргізген тәртіп сақшылары күдіктілердің бой тасалауына жол бермеді, деп хабарлайды zakon.kz Алматы облысы ПД баспасөз қызметіне сілтеме жасап.

Күдікті ретінде 1970 жылы туған Өзбекстан Республикасының азаматы ұсталды. Ол ішімдік ішіп отырғанда туған жанжал барысында танысына пышақ жарақатын салғанын және соның салдырынан қайтыс болғанын мойындады. Қазір ҚР Қылмыстық кодексінің 99-бабына сәйкес сотқа дейінгі тергеу амалдары жүргізілуде. Күдікті қамаққа алынды. өзге ақпарат тергеу құпиялығына байланысты таратылмайды,- деді Талғар АПБ бастығы полиция полковнигі Жанболат Зиадин.

Тергеу барысында күдікті аса ауыр қылмыс жасағанын түсінген сәтте жазадан жалтару мақсатында оқиға орнынан із суытқан. Дегенмен кәсіби шеберлігі жоғары жедел уәкілдер оны Шымкент қаласынан ұстады.

Сонымен қатар, оқиғаның куәгері болған үшінші адам да қамаққа алынды. Қазіргі уақытта оған қылмысты жасыру дерегі бойынша айып тағылды. Сонымен қатар, күдікті деп танылған өзге мемлекет азаматының елімізге келуінің заңдылығы және немен айналысқаны толыққанды тексерілетін болады,- деп толықтырды полиция полковнигі Жанболат Зиадин.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз