Талғарда кісі өлтірді деп күдікке ілінген жігіт шекара аспақ болған кезде ұсталды

Алматы облысы Талғар ауданының полицейлері 32 жастағы азаматты өлтірді деп күдікке ілінген азаматты ұстады, деп хабарлайды Zakon.kz.

24 қаңтарда сағат 13:48 шамасында Талғар аудандық ПБ-ға оқ жарақаты бар 32 жастағы азаматтың денесі табылғандығы туралы хабарлама келіп түсті. Аталған дерек ҚР ҚК 99-бабының 1-бөлігі бойынша Талғар аудандық полиция бөлімшесінің СДТБТ-да тіркелді.

1990 жылғы Талғар ауданының тұрғыны Қордай ауылындағы шекарадан өтпек болған кезде ұсталды. Қазір ол уақытша ұстау изоляторына қамалды, делінген полиция хабарламасында.