Алматылық судья пара алу фактісін жоққа шығарды

Жолманова өз кеңсесінде жасырын тың тыңдау құрылғысы орнатылғанын айтады.

Жақында кеңсесінде тінту жүргізіліп, қомақты ақша тәркіленген Алматы қаласының Медеу аудандық сотының судьясы Светлана Жолманова баспасөз конференциясын өткізіп, өзіне қатысты қозғалған іс туралы ақпаратты теріске шығарды, деп хабарлайды zakon.kz.

Бұған дейін бұқаралық ақпарат құралдарында және әлеуметтік желілерде пара алғандығым жайында жарияланған фактіні жоққа шығарамын және маған қатысты қылмыстық іс қозғалған жоқ. Ал кеңсемнен табылған 10 мың АҚШ доллары кәрі шешемді өзіме жақын келтіру үшін ипотекаға пәтер сатып алуға арналған. Мені ұстаған жоқ. Маған қатысты қылмыстық іс қозғалған жоқ. Мен қандай бір іс бойынша қорғауға жататын куәгермін, - деді Светлана Жолманова.

Оның айтуынша, ол 10 мың долларды үйде ұстаудан қорқып, жұмыс орнына әкеліп қойған. Ол бұл ақшаны досынан қарызға алған. Сол күні, Жоламанованың айтуынша, сағат 15:00-де ол банкке баруы керек болған, бірақ 12:00-де кеңсесінде тінту жүргізілген.

Мен сабырлы, өз-өзіме сенімді отырдым. Көптеген әріптестерім телефон шалып, не болып жатқанын сұрады. Мен: "Бәрі жақсы, уайымдамаңдар" деп жауап бердім. Содан кейін кіші ұлым маған пәтерімізді тексеріп жатқанын жазды. Міне, сол кезде ашулана бастадым. Содан кейін біз сол жерге бардық, онда да тінту жүргізілді, - деді судья.

Жолманова өз кеңсесінде жасырын тың тыңдау құрылғысы орнатылғанын айтады.

Оның айтуынша, тінту де, тыңдау да тәуелсіз судьялар құқығын әрдайым қорғайтындығына байланысты ұйымдастырылған және мұның бәрі оны жұмыстан шығару үшін жасалған.

Бұл арада біздің жұмысты ішкі ұйымдастыру мәселесі көбірек қамтылады. Тәжірибе істері бойынша мәселелер дегендей. Үнемі ашуланатынмын, сот жұмысының ұйымдастырылуына көңілім толмайтын. Шешімдер бойынша нұсқаулар болды, бірақ біз бағынбадық, кез келген жағдайда заңды шешімдер қабылдадық, - деді ол.

Ол судья болғандықтан өзіне қандай нұсқаулар болғандығын айтудан бас тартты.

Журналистер оның ар-намысы мен қадір-қасиетін қорғау үшін сотқа жүгінетін-жүгінбейтіндігін сұрады. Жолманова судьялар арызданана алмайтынын, мұны Жоғарғы Сот жанындағы Судьялар одағы іске асыра алатынын айтты.

Сонымен бірге, Жолманова тінту кезінде өзін суретке түсірген қызметкерді жауапқа тартқысы келеді. Осы мақсатта ол бас прокурорға арыз жазды.
Судьяның адвокаты Жанна Меркушева қылмыстық істің қозғалуына не себеп болғаны әлі белгісіз екенін айтты. Оның айтуынша, судьяның құқықтары бұзылған:

- тың тыңдау судьяның кабинетінде заңсыз жүргізілді, кеңесу бөлмесінің құпиялылығы заңмен қорғалғанына қарамастан;

- заңсыз тінту жүргізілді. Тінту жүргізген офицерлерде Бас Прокурордың санкциясы мен мақұлдау қағазы болмаған;

- Жолманованың өкілеттіктері заңсыз тоқтатылды. Бұл жағдайда ол күдікті емес, куәгер болып табылады.

Адвокат "Алаяқтық" бабы бойынша істермен Ұлттық қауіпсіздік комитеті емес, Сыбайлас жемқорлыққа қарсы қызмет айналысатынына да тоқталды.

Бұл ұлттық қауіпсіздік органдарының құзыретіне кірмейді. Олар тергеуді құзыретті органға тапсыруы керек, - деді ол.

28 сәуірде Медеу аудандық сотының судьясынан тінту кезінде үлкен көлемдегі ақша алынды деген ақпарат пайда болды. Алматы қалалық сотының баспасөз қызметі судьяның кабинетінен 10 000 доллар тәркіленді деп түсіндірді. Ол "мүдделі тұлғалардың пайдасына қарай шешім шығаруға көмектесуге байланысты алаяқтық іс-әрекеттерді жасады" деген күдікке ілінді.

Судьяның өкілеттігі тоқтатылғандығы хабарланды.