Түркістан облысында ет сататын әйел 147 адамды тақырға отырғызды
zakon.kz
Банктердің бірінің қызметкері несие алу кезінде күдік туғызған әрекетке байланысты полицияға хабарласқан.
Түркістан облысында бір әйел 147 адамды алдап соқты, деп хабарлайды zakon.kz.
Банктердің бірінің қызметкері несие алу кезінде күдік туғызған әрекетке байланысты полицияға хабарласқан.
Алаяқтық әрекетке күдікті Сайрам ауданының ет өнімдерін сатушысы болып шықты. Ол екі айға қамауға алынды.
Ол әр балаға 50 мың теңге көлемінде әлеуметтік көмек тіркетіп беремін деген уәдемен жәбірленушілердің деректерін алдап алған. Содан кейін өзіне сенім білдірген азаматтардың құжаттарын пайдаланып, олардың атынан онлайн-несие тіркеген.
147 жергілікті тұрғын полиция көмегіне жүгінді.
Тергеушілер сотқа дейінгі тергеу амалдарын жүргізіп жатыр. Алаяқтың құрбандарының көбеюі мүмкін екенін де жоққа шығармаймыз, - деді Түркістан облысы ПД басшысының орынбасары.
Бұл факт ҚР Қылмыстық кодексінің 190-бабы, яғни "Әсіре ірі көлемдегі алаяқтық" бойынша тіркелді. Қазір тергеу амалдары жүргізіліп жатыр.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
