Жалған екпе төлқұжатын жасау Қазақстанның бес өңірінде анықталды
zakon.kz
Ведомствоның баспасөз қызметі мұндай жалған екпе төлқұжаттары 5000-нан 30 000 теңгеге дейінгі ақшалай сыйақыға сатылғанын нақтылады.
Қазақстанның бес қаласында жалған екпе төлқұжаттарын жасаумен айналысқан бірқатар медициналық қызметкерлер анықталды. Бұл туралы Қаржылық мониторингі агенттігінің баспасөз қызметі жедел-іздестіру шаралары кезінде айтты, деп хабарлайды zakon.kz.
Алматыда, Шымкентте, Ақтөбеде, Павлодарда және Таразда коронавирусқа қарсы екпе салдыртқаны туралы жалған құжаттарды заңсыз сатқан медицина қызметкерлері мен басқа адамдар анықталды. Жоғарыда аталған адамдар баю мақсатында және денсаулық сақтау органдарының міндеттеріне, моральдық нормаларға қайшы келетініне қарамастан жалған вакциналауды жүргізген, - деді ҚМА баспасөз қызметі.
Ведомствоның баспасөз қызметі мұндай жалған екпе төлқұжаттары 5000-нан 30 000 теңгеге дейінгі ақшалай сыйақыға сатылғанын нақтылады.
Бұл фактілерге сәйкес, ҚР Қылмыстық кодексінің 385-бабы (жалған құжат жасау) бойынша сотқа дейінгі жеті тергеу ісі басталды. Атына жалған екпе төлқұжаты тіркелген 37 азамат, сондай -ақ 12 адам, оның ішінде қолдан құжат жасаумен айналысатын сегіз медициналық қызметкер анықталды, - дейді агенттіктегілер.
Басқа күдіктілерді анықтау бойынша тергеу шаралары жалғасуда.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
