Жаңалықтар тізбегі
0

Өшіріп жатыр! Бақилық болған шымкенттік науқастың хатынан соң шу шықты

zakon.kz, сурет - Zakon.kz жаңалық 25.08.2021 15:26 zakon.kz
Хатты нақ кімнің қолымен жазылғанын полиция анықтайтынын айтқан денсаулық сақтау басқармасының баспасөз хатшысы бұл дауға қатысты жауапты жазбаша жолдады.

Шымкенттегі инфекциялық стационардың бірінен шу шықты. Бақилық болған науқастың бірі жазған хат әлеуметтік желіде жылдам тарады. Онда сырқат өзіне оттегі жетпей жатқанын, тіпті оны өшіріп тастайтынын жазыпты, деп хабарлайды zakon.kz Астана телеарнасына сілтеме жасап.

"Маған кислород жетпей жатыр. Бесконца кислородты өшіріп жатыр. Мен өліп қалатын шығармын. Мені кислород бар жерге ауыстырыңдар. Басқа шыдай алатын емеспін", делінген хатта.

Жазбамен бөліскен автордың білуінше, бұл хатты науқас өз әйеліне жазған көрінеді. Бірақ көп ұзамай хат иесі бақилық болды деп жазылған желідегі жазбада. Марқұмның ет жақындары қазір осы жазбаға сүйеніп, шу шығарып жатыр. Алайда мекеменің бас дәрігері мұның бәрін жоққа шығарып отыр. Мадина Ермағанбетованың сөзінше, ауруханада қайтыс болған азаматтан бөлек марқұмның әйелі мен ұлы да емделген. Олар жазылып шығыпты. Ал отағасы жансақтау бөліміне ауыстырылған. Тек кислород өшірілген жағдай болған емес дегенді айтты. Хатты нақ кімнің қолымен жазылғанын полиция анықтайтынын айтқан денсаулық сақтау басқармасының баспасөз хатшысы бұл дауға қатысты жауапты жазбаша жолдады.

Т. Орынбаев атындағы гипербариялық оксигенация жанынан ашылған инфекциялық стационардағы төсек орындардың барлығы 100 пайыз оттегі нүктесімен қамтамасыз етілген. Тыныс жетіспеушілігі бар науқастарды емдеу мекемесі тәулік бойы кислородпен қатамасыз етуге толықтай қауқарлы. Айта кетейік, Шымкент қаласындағы инфекциялық стационарларда кислород тапшылығы жоқ. Жыл басынан бері кислород тапшылығынан науқастардың қайтыс болу деректері тіркелмеген, делінген жауап хатта.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: